काठमाडौं- गैरआवासीय नेपाली संघ (एनआरएनए) को नयाँ नेतृत्व चयनका लागि भएको मतदानको गणना जारी छ ।

शुक्रबार बिहानसम्म ४० प्रतिशत मतगणना सकिएको छ । तर निर्वाचन समितिले यसको आधिकारिक जानकारी भने दिएको छैन् ।

बिहीबार सम्पन्न निर्वाचनको शुक्रबार बिहान सम्ममा ४० प्रतिशत मतगणना सकिएको एनआरएनए स्रोतले जनाएको छ ।

पछिल्लो मत परिणाम अनुसार अध्यक्षको दाबेदार कुमार पन्त ७० मतले अगाडी रहेको जानकारी प्राप्त भएको छ ।

मतगणनास्थलमा विवाद

गैरआवासीय नेपाली संघ (एनआरएनए)को मतगणनास्थल बाहिर बिहीबार राति पनि केहिबेर तनाव भएको थियो ।

अध्यक्षका प्रत्यासी कुल आचार्य र उनका प्रतिनिधिलाई मतगणना भएको स्थलमा प्रवेश गर्न नदिएपछि उनका समर्थकले हंगामा नै गरेका थिए ।

उनीहरुले नाराबाजी गर्दै तोडफोडको प्रयास गरेपछि दुई पक्षीय झडप समेत भएको थियो । झपडपछि प्रहरीले हस्तक्षेप गर्यो स्थिति साम्य बन्यो । केहीबेर मतगणना नै प्रभावित बन्न पुगेको थियो।

निर्वाचनमा नेकपा निकट कुमार पन्त र कांग्रेस निकट कुल आचार्यले प्यानल नै बनाएर चुनाव लडेका छन्। राति अबेरसम्म अन्तिम अतपरिणाम आइसक्ने अपेक्षा गरिएपनि अनेक लफडाका कारण शुक्रबार बिहानसम्म अन्तिम मतपरिणाम आउन सकेको छैन्।

गैरआवासीय नेपालीको हर्कत र लफडाका कारण कारण नवौं विश्व सम्मेलन निकै विवादित बनेको छ।