काठमाडौं– स्वास्थ्यको कारण देखाउँदै केही दिनअघि पदबाट राजीनामा दिएका समाजवादी पार्टीका सांसद डा. सूर्यनारायण यादवले राजीनामा फिर्ता लिएका छन् ।

सांसद यादवले सभामुख कृष्णबहादुर महरालाई लिखित रूपमा राजीनामा फिर्ता लिएको पत्र बुझाएका हुन् । स्वास्थ्यको कारण देखाउँदै गत साउन २८ गते सांसद यादवले सभामुख महरालाई राजीनामा बुझाएका थिए ।

उपप्रधान तथा स्वास्थ्य मन्त्रीसमेत रहेका अध्यक्ष उपेन्द्र यादव, राज्यमन्त्री सुरेन्द्र यादव, प्रमुख सचेतक उमाशंकर अरगरिया, राजनीतिक समितिका सदस्य डाक्टर शिवजी यादवसहित सिंहदरबार पुगेका डाक्टर यादवले राजीनामा फिर्ता लिएका हुन् ।

सप्तरी–१ बाट प्रत्यक्ष निर्वाचित सांसद डा. यादव प्रतिनिधिसभा पेसाले चिकित्सक हुन् ।