काठमाडौं- इंग्लिस प्रिमियर लिग फुटबलमा साविकको विजेता म्यानचेस्टर सिटी र टोटेनह्यमले बराबरी खेलेका छन् । शनिबार राति भएको खेलमा सिटी र टोटेनहम दुवैले २-२ गोल गरे ।

सिटीको घरेलु मैदानमा भएको खेलमा उसैले अग्रता जोगाउन नसक्दा खेल बराबरीमा सकिएको हो । खेलको २० औं मिनेटमा रहिम स्ट्रलिङले गोल गर्दै सिटीलाई अग्रता दिलाएका थिए । त्यसको तीन मिनेट नबित्दै टोटेनह्यमका एरिक लामेलाले गोल गर्दै खेल १-१ को बरारबीमा ल्याए ।

३५ औं मिनेटमा सर्जियो अग्युरोले गोल गर्दै घरेलु टोली सिटीले पूनः खेलमा अग्रता लिएको थियो । पहिलो हाफमा २-१ को अग्रता लिएको सिटीले दोस्रो हाफमा थप एक गोल खाँदा गोल गर्न भने सकेन् । ५६ औं मिनेटमा टोटेनहमका लुकास मौराले गोल गर्दै खेल २-२ को बरारबीमा ल्याए ।

त्यसपछि खेलको इन्जुरी समयमा सिटीकाआ ग्राबियल जिससले गरेको गोल रेफ्रीले मान्यता दिएनन् । यस बारबरीसँगै सिटीले २ खेलबाट ४ अंक जोडेको छ । सिटी लिगको तेस्रो स्थानमा छ । टोटेनहमको पनि २ खेलबाट ४ अंक सहित पाँचौं स्थानमा छ ।