सामान्यतया हामीले माछाको सर्वाधिक मूल्य प्रतिकिलो १ हजार देखि २ हजारसम्म सुनेका छौं तर, क्यास्पियन सागरमा पाइने माछाको मूल्य सुच्दा जो कोहीलाई चकित पार्छ । विश्वमै सबैभन्दा महङ्गा र स्वादिला माछा क्यास्पियन सागरको दक्षिणतर्फ पाइन्छन् ।

यी माछाहरुको मूल्य अधिक आउने हुँदा मानिसहरुले यस क्षेत्रमा अत्यधिक माछा मार्ने गर्दा माछाको प्रजाति नै नष्ट हुने खतरामा पुगेको बताइन्छ । यी माछाको संरक्षणका लागि अजरबैजान, इरान, कजाखस्तान, रसिया र तुर्कमेनिस्तानका नेताहरु एक किसिमको सम्झौता गरिएको बताइन्छ ।

यी माछाहरुलाई जोगाउनका लागि कजाखस्तानको तटीय सहर आक्टुमा भएको उक्त सम्झौमा विभिन्न प्रावधानहरु राखिएका छन् । गिनिज वर्ल्ड रेकर्डका अनुसार इरानतर्फ यी माछाको मूल्य प्रति किलो २५,००० अमेरिकी डलरसम्म हुने गरेको छ ।