काठमाडौं– गायक पशुपति शर्माले आफ्ना सरकार विरुद्ध नियोजित रुपमा गीत गाएको आरोप नेकपा सांसदले लगाएका छन् ।

सोमबारको प्रतिनिधिसभा बैठकमा नेकपा सांसद झपटबहादुर रावलले नेपाली कांग्रेस नेतृत्वको सरकारका बेला ‘मलाई जापान पनि यही’ बोलको गीत गाएको र अहिलेको सरकारलाई यमराज, कुकुरको संज्ञा दिएको भन्दै आपत्ति जनाएका छन् । गायक शर्माले जनगायन गरेको भन्दै नेपाली कांग्रेसका सांसद अमरेशले २५ हजार नगद दिने घोषणा गरेपछि यो कुरालाई पुष्टि गरेको नेकपा सांसद रावलको भनाइ थियो ।

प्रमुख प्रतिपक्षी नेपाली कांग्रेसको रक्षा भगवान पशुपतिनाथले गर्न नसकेको भन्दै सांसद रावलले अब गायक पशुपतिले गरुन् भन्दै कामना गरे ।
‘सरकारले यो गीतलाई कुनै पनि प्रतिवन्ध लगाएको छैन’ सांसद रावलले भने,‘भगवान पशुपतिले जोगाउन नसकेको प्रतिपक्षीलाई गायक पशुपतिले रक्षा गरुन् ।’