काठमाडौं– राजधानीबाट आज(सोमबार) प्रकाशित दैनिक पत्रिकारले संवैधानिक अंगको साखदेखि वाइडबढी प्रकरणका विषयलाई सम्पादकीयमा समेटेका छन् । त्यस्तै नेपालको प्रमुख स्वास्थ्य समस्याको रुपमा रहेको पाठेघरको मुखको क्यान्सर, छोरीलाई सुरक्षालगायतका विषय सम्पादकीयमा समेटिएका छन् ।

जोगिन सकिने जोखिम शीर्षकमा कान्तिपुरले लेखेको सम्पादकीयमा नेपालमा हुने क्यान्सरमध्ये पाठेघरको मुखको क्यान्सर दोस्रो स्थानमा छ । १ सय जना महिलाको रोग परीक्षण गर्दा ८ जनामा पाठेघरको मुखको क्यान्सरको सम्भावना देखिन्छ । यसबाट जोखिन १३/१४ वर्षमै एचपीभी भ्याक्सिन लगाउन सकिने भएपनि यो महँगो छ । यसको मूल्य ५० हजार पर्छ ।

मानव भ्रुण हुर्कने घरै पाठेघर भएकाले यसमा हुने संक्रमणबाट जोगाउन सरकार र सर्वसाधारण सचेत बन्न सके पाठेघरको क्यान्सरलाई परास्त पार्न सक्ने सम्भावना छ ।

संवैधानिक अंगको साख शीर्षकमा नागरिक दैनिकले लेखेको सम्पादकीयमा उच्च राजनीतिक नेतृत्वले आफू पनि शुद्ध रहने रउपयुक्त व्यक्तिलाई नियुक्ति गर्ने परिपाटी भयो भने अहिलेको जस्तो पाठक काण्ड दोहोरिने छैन । लोकतन्त्र बलियो हुनका लागि संस्था निर्माण हुनु आवश्यक रहेको उल्लेख गरेको छ ।

वाइडबडी, वाइड लाइज शीर्षकमा नयाँ पत्रिकाले लेखेको सम्पादकीयमा वाइडबडी आफैंमा प्रश्न बनिरहेको बेला सरकारले जनता र संसदलाई छल्न झन ठूलो झुटो बोल्नुभन्दा अख्तियारलाई यसबारे अनुसन्धानको जिम्मा लगाएर छिटो निष्कर्षमा पुग्न सहयोग गर्नु जायज हुनेछ ।