काठमाडौं- राष्ट्रियसभाका उपाध्यक्ष शशीकला दाहालले मुलुकको राजनीतिक परिवर्तनमा साहित्य र सङ्गीतको महत्वपूर्ण योगदान रहेको बताएकी छन् ।

आज महोत्तरीमा गीतकार एवं गायिका जमुना पोखरेलको गीति एल्बम ‘ए चेली नजाउ है खाडिमा’को विमोचन गर्दै उनले साहित्यिक र साङ्गीतिक मुलुकको सङ्घीय लोकतान्त्रिक गणतन्त्रको स्थापनामा साहित्यकार तथा कलाकर्मीले योगदान दिएको स्मरण गरे । पोखरेलका गीतले आफ्नै मुलुकमा श्रम गर्न महिलालाई अपिल गरेको सन्देश रहेको उपाध्यक्ष दाहालको भनाइ थियो ।

गीतकार एवं गायिका पोखरेलको यो पहिलो गीति एल्बम हो । बर्दिवास साहित्यिक सांस्कृतिक प्रतिष्ठानले आयोजन गरेको सो कार्यक्रममा प्रदेशसभा सदस्य शारदा थापाले गीत, सङ्गीत र कलाको माध्यमले युवा पुस्तालाई स्वदेशमै केही गर्न पोखरेलका गीतमा सन्देश रहेको बताए।