काठमाडौं-आईसीसी एकदिवसीय विश्वकप क्रिकेटमा बंगलादेशले वेष्ट इण्डिजलाई ७ विकेटले पराजित गरेको छ ।

टाउनटनमा सोमबार भएको खेलमा टस हारेर पहिलो ब्याटिङ गरेको व्ष्ट इन्डिजले दिएको ३२२ रनको लक्ष्य ४१.३ ओभरमा ३ विकेट गुमाएर पुरा गर्यो ।

बंगलादेशका लागि शकिब अल हसनले अविजित रहदै १सय२४ रनको शतकीय इनिङ्स खेले । उनले ९९ बलमा १६ चौका प्रहार गरे । जारी विश्वकपमा शकिबको यो दोस्रो शतक हो ।

यस्तै अर्धशतकीय इनिङ्स खेलेका लिटोन दास आक्रामक ब्याटिङ गर्दै ९४ रनको योगदान दिए । यस्तै, तमिम इकवालले ४८ तथा सौम्य सरकारले २९ रन बनाए ।

बंगलादशविरुद्ध वेष्ट इण्डिजका आन्द्रे रसेल र ओसाने थोमसले समान १–१ विकेट लिए ।

यसअघि टस हारेर पहिले ब्याटिङ गरेको वेष्ट इण्डिजले निर्धारित ५० ओभरमा ८ विकेट गुमाएर ३ सय २१ रन बनाएको थियो ।

वेष्ट इण्डिजका लागि साई होपले ९६ रनको अर्धशतकीय इनिङ्स खेले । यस्तै इभिन लुइसले ७० तथा सिम्रन हिट्मायरले ५० रनको अर्धशतकीय इनिङ्स खेले ।

यस्तै कप्तान जासन होल्डरले ३३ रनको आक्रामक पाली खेल्दा क्रिस गेल र आन्द्रे रसेलले रनको खाता खोल्न सकेनन् ।

निकोलस पुरनले २५ तथा डरेन ब्राभोले १९ रन बनाए।

बंगलादेशका मुस्थाफिजुर रहमान र महमद सैफदिनले समान ३र३ विकेट हात पारे । यस्तै शाकिब अल हसन २ विकेट लिए ।

वेष्ट इण्डिजलाई हराएसंगै बंगलादेशले प्रतियोगितामा दोस्रो जित निकालेको छ । बंगलादेशले पनि ५ खेलबाट ५ अंक जोडेको छ । बंगलादेश पाँचौ स्थानमा समेत उक्लिएको छ ।