अमेरिका- अमेरिकाका गायक तथा कलाकार निक जोनस र उनकी पत्नी/अभिनेत्री प्रियंका चोपडाले यतिबेला आफ्नो वैवाहिक जीवनको मजा लिइरहेका छन् ।

केही समय अघि देखि प्रियंका गर्भवती भएको समाचारहरु सार्वजनिक भएका थिए भने उनका फ्यानहरुले समेत प्रियंका गर्भवती भएको विषयमा चर्चा गरिरहेका थिए । तर उनी भने तत्काल परिवारमा सदस्य बढाउने मुडमा छैनिन् ।

उनी बच्चा जन्माउन तयार नरहेको बारे पति निकले मुख खोलेका छन् ।

एक अन्तर्वार्तामा निक जोनसले बच्चाका बारेमा प्रश्न गर्दा उनले आफूहरुले यसका लागि समय लिइरहेको बताए । उनको उत्तरबाट नै स्पष्ट हुन्छ कि, अहिले निक–प्रियंका बच्चा जन्माउने योजनामा छैनन् ।

पछिल्ला दिनमा प्रियंका चोपडा गर्भवती भएको हल्ला भाइरल भएको थियो । केही समय पहिले प्रियंका न्यूयोर्क फेसन वीकमा पुगेकी थिइन् । यस दौरान खिचिएका केही तस्वीरका आधारमा प्रियंका गर्भवती भएको खबर आएको थियो । पछि प्रियंकाकी आमा मधु चोपडाले भनेकी थिइन् कि, यो खबरमा केही सच्चाइ छैन ।

उनले क्यामेराको एङ्गललाई आरोप लगाएकी थिइन् ।

प्रियंका र निक जोनस बिहेपछि चर्चामा रहने जोडीमध्ये एक हुन् । यी दुईले डिसेम्बर २०१८ मा बिहे गरेका थिए । दुवैले हिन्दू र क्रिश्चियन रीतिरिवाज अनुसार बिहे गरेका थिए । केही समयअघि मात्र यी दुईको डिभोर्स हुन लागेको एक अमेरिकन म्यागजिनले लेखेको थियो । पछि यो समाचारलाई पनि हल्ला मात्रै भएको भनियो ।