धादिङ– जिल्ला अस्पताल धादिङको नयाँ भवनबाट बहिरंग (ओपीडी) सेवा शुरु भएको छ ।

वि.सं. २०७२ साल बैशाख १२ गतेको भूकम्पले ओपीडी भवन भत्किएपछि अस्पतालले अस्थायी भवनमा ओपीडी सेवा संचालन गर्दै आएको थियो ।

भूकम्पले भवन भत्किएपछि हिमालयन हेल्थ केयरले जिल्ला अस्पतालको नयाँ ओपीडी भवन पुनःनिर्माण गरेको हाे।

भवन निर्माण सम्पन्न भएपछि चिकित्सा विज्ञान राष्ट्रिय प्रतिष्ठानबाट खटिएका आवसीय विशेषज्ञ चिकित्सकहरुले नयाँ ओपीडी भवनबाट सेवा दिन शुरु गरेको अस्पतालका सूचना अधिकारी कृष्ण उप्रेतीले खबरहबलाई बताए ।

नयाँ भवन संचालमा आएसँगै बिरामीलाई सेवा दिन सहज भएको अस्पतालका सूचना अधिकारी उप्रेतीको भनाइ छ

उनले भने, ‘नयाँ ओपीडी भवन अत्याधुनिक सुविधा सम्पन्न छ, ओपीडीमा चाहिने आधारभूत उपकरण छ, नयाँ भवनमा ओपीडी  सेवा शुरु भएपछि बिरामीलाई सेवा दिन सहज भएको छ ।’

जिल्ला अस्पताल धादिङमा स्त्री तथा प्रसूति, जनरल फिजिसियन, बाल रोग, छाला तथा यौन रोग, जनरल सर्जरी, हाडजोर्नी तथा नशा र रेपियोलोजी सेवा दिएको छ ।