डडेलधुरा– डडेलधुराको गन्यापधुरा गाउँपालिका–३ गुएलखेतमा हाइस (माइक्रो बस) दुर्घटना हुँदा १० जना घाइते भएका छन्।
डोटीकाे सिलगढीबाट धनगढी जाँदै गरेको बा २ ख १६६५ नम्बरको सुदूरपश्चिम यातायातको हाइस सोमबार बिहान १० : ३० बजेतिर दुर्घटनामा परेको हो।
घाइते १० जना मध्ये २ जनाको अवस्था गम्भीर रहेको जिल्ला प्रहरी कार्यालय डडेलधुरा प्रहरी नायव उपरीक्षक डम्बरबहादुर केसीले जानकारी दिए।
घाइतेहरुलाई डडेलधुरास्थित डडेलधुरा अस्पताल ल्याइएको छ। घाइते र गम्भीर घाइतेको नाम खुलेको छैन । स्थानीयका अनुसार ओरालोमा रोकेर राखिएको हाइस यात्रु चढाउने क्रममा झाडीमा गएर पल्टिएको थियो ।
प्रतिक्रिया