काठमाडौं – फिल्म ‘माछा माछा’ मा समावेश ‘म्याडम म्याडम’ बोलको गीत सार्वजनिक गरिएको छ । सोमवार राजधानीमा एक कार्यक्रमको आयोजना गर्दै फिल्मको गीत सार्वजनिक गरिएको हो ।

सिनेमा आर्टसको प्रस्तुतिमा तयार भएको यो फिल्मलाई रामबाबु गुरुङ र दयाहाङ राईले निर्माण गरेका हुन् ।

आज सार्वजनिक गरिएको गीतमा अनुपम शर्माको संगीत र स्वर सुन्न सकिन्छ ।

गीतमा सौगात मल्ल, सृष्टि श्रेष्ठ, विजय बराल लगायतले अभिनय गरेका छन् । साथै फिल्ममा नम्रता श्रेष्ठ, अनोज पाण्डे, माओत्से गुरुङ, प्रविण खतिवडा, सरिता गिरी, भोलाराज सापकोटा लगायतका कलाकारले अभिनय गरेका छन् ।

फिल्मलाई शिवराम श्रेष्ठले खिचेका हुन् भने निमेष श्रेष्ठले सम्पादन गरेका हुन् । यस्तै फिल्ममा सुनील गुरुङको लेखन तथा निर्देशन छ ।

कमेडी जानरामा बनेको यो फिल्म आउँदो मंसिर २० गतेदेखि प्रदर्शनमा आउँदैछ ।