काठमाडौं– दक्षिण एसियाली फुटबल फेडेरेसन (साफ) च्याम्पियनसिप–२०२० आयोजनाको जिम्मा बंगलादेशले पाएको छ ।
सोमबार मलेसियाको क्वालालम्पुरमा बसेको साफ कङ्ग्रेसको बैठकले सेप्टेम्बर २०२० मा हुने गरी साफ आयोजनाको जिम्मा बंगलादेशलाई दिएको बंगलादेशी पत्रिका दि डेली स्टारले उल्लेख गरेको छ ।
साफका अध्यक्ष काजि सलाहुद्दीनको अध्यक्षतामा बसेको बैठकले उक्त निर्णय गरेको हो । सन् २०१८ को साफ च्याम्पियनसिप पनि बंगलादेशले नै आयोजना गरेको थियो ।
अघिल्लो सिजनमा माल्दिभ्सले साफको उपाधि उचालेको थियो । उक्त प्रतियोगितामा नेपाली टोली सेमिफाइनलसम्म पुगेको थियो ।
सेमिफाइनलमा माल्दिभ्ससँग पराजित भएपछि नेपाल घर फर्किएको थियो ।
प्रतिक्रिया