अमेरिका – ‘एभेन्जर्स इन्डगेम’ मा लिएर दर्शक सबैभन्दा धेरै दुःखी हुनुुको कारण आइरन म्यानको मृत्यु हुनु थियो । दर्शकलाई किन पनि दुःख लागेको थियो भने आइरन म्यानलाई अब पर्दामा देख्न पाइने छैन । रोबर्ट डाउनी जुनियरले फिल्ममा आइरन म्यानको भूमिका निभाएका थिए ।

एक खबरका अनुसार रोबर्टलाई आइरन म्यानका रुपमा अझै एउटा फिल्ममा देख्न पाइने सम्भावना छ । मार्भलको आउँदो फिल्म ‘ब्ल्याक विडो’ मा आइरन म्यानको भूमिका समेत हुनेछ । र, उक्त भूमिका रोबर्टले नै प्ले गर्नेछन् । यो फिल्म सन् २०२० मा रिलिज हुँदैछ । तर, यसबारेमा आधिकारिक जानकारी भने अझै आएको छैन ।

‘ब्ल्याक विडो’ मार्भस सिनेम्याटिक युनिभर्सको २४ औँ फिल्म हुनेछ । यसको कहानी मार्भलको महिला क्यारेक्टर ब्ल्याक विडोको जिन्दगीमा आधारित हुनेछ । यसमा ‘क्याप्टेन अमेरिकाः सिभिल वार’ पछिको कहानी समेटिनेछ । फिल्ममा यो भूमिका स्कार्लेट जोहेनसनले निभाउनेछिन् ।

‘एभेन्जर्सः इन्डगेम’ मा आइरन म्यानको मात्र मृत्यु भएको थिएन । ब्ल्याक विडोको पनि मृत्यु भएको देखाइएको थियो ।