काठमाडौं – आउँदो शुक्रबारबाट प्रदर्शनमा आउने चलचित्र ‘कबड्डी ३’ मा समावेश ‘माया पिरती’ बोलको गीत सार्वजनिक गरिएको छ । यो गीत सोमबार युट्युबमार्फत सार्वजनिक गरिएको हो ।

गीतमा कालीप्रसाद बास्कोटाको संगीत तथा स्वर रहेको छ भने सविन एकतारे र गायक बास्कोटाले गीतका शब्द लेखेका हुन् । भिडियोमा दयाहाङ राई र उपासना सिंह ठकुरीलाई रोमान्टिक मुडमा देख्न सकिन्छ ।

रामबाबु गुरुङले निर्देशन गरेको यो फिल्ममा दयाहाङ र उपासनाका अलावा रिश्मा गुरुङ, कर्मा, विल्सन विक्रम राई, बुद्धि तामाङ, विजय बराल, पुष्कर गुरुङ, कविता आले, माओत्से गुरुङ, अरुणा कार्की लगायतका कलाकारले अभिनय गरेका छन् ।

रिलिजअघि चलचित्रको राम्रो चर्चा छ । फिल्मका दुई सिरिज एसअघि सुपरहिट भइसकेका छन् ।