काठमाडौं- खराब मौसमका कारण लुक्लाबाट उडेका ७ हेलिकोप्टर काभ्रेमा आकस्मिक अवतरण गरिएको छ ।

मौसममा खराबी आएपछि बाटो तथा खेतमा अवतरण गरिएको थियो ।

बिहान सोलुखुम्बुको लुक्लाबाट काठमाडौंका लागि उठेका ७ वटा हेलिकप्टर मौसममा आएको गडबडीका कारण काभ्रेमा आकस्मिक अवतरण गरिएको हो ।

मौसमका कारण भिजिविलिटी कम भएपछि मनाङ एयर, सिम्रिक एयर र कैलाश एयरका हेलिकोप्टर बीच बाटोमै अवतरण गर्नु परेको विमान कम्पनीले जनाएका छन् ।

७ वटा हेलिकप्टरमध्ये ४ वटा पाँचखाल र ३ वटा नेपालथोकमा आकस्मिक अवतरण गरिएको काभ्रेका प्रहरी नायव उपरीक्षक दीपक गिरीले जानकारी दिए ।

पाँचखालमा अवतरण गरिएका ४ वटै हेलिकोप्टरमा चालक र विदेशी पर्यटक सहित २१ जना यात्रु रहेको उनले बताए । हेलिकोप्टर सोलुखुम्बुको लुक्लाबाट आएका हुन् ।

तस्वीर: रामसुन्दर आचार्य