एजेन्सी– कश्मीरलाई प्रदान गरेको विशेष राज्यको मान्यता खारेजसँगै जम्मू–कश्मीरमा बढेको तनाव विस्तारै मथ्थर हुँदै गएको छ ।

संविधानको धारा ३७० खारेज गरेसँगै बन्द गरिएको इन्टरनेट सेवा शनिबारदेखि केही स्थानमा सञ्चालनमा आएका छन् ।

१२ दिनपछि राज्यका केही स्थानमा टु–जी इन्टरनेट सेवा पुनः खुला गरिएको भारतीय सञ्चारमाध्यमले जनाएका छन् ।

जम्मू, रियासी, सांबा, कठुआ र उधमपुरमा इन्टरनेट सेवा सञ्चालनमा आएको हो । यसका साथै घाटीका १७ वटा ल्याण्डलाइन टेलिफोन सेवा पनि पुनः सञ्चालनमा आएको छ ।

यसैबीच सोमबारबाट त्यहाँ बन्द विद्यालय तथा कलेज पनि खुल्ने मुख्य सचिव सुब्रमण्यमले बताए । राज्यभित्रका सरकारी कार्यालयहरु भने शुक्रबारदेखि नै खुलेका छन् ।