काठमाडौं–दुई तिहाइ बहुमतका साथ नेकपाले सरकारको नेतृत्व गरेको एक वर्ष पूरा भएको छ । यो अवधिमा प्रमुख प्रतिपक्षी दल नेपाली कांग्रेस छ । संसदमा कांग्रेस बाहेक अर्को बलियो दल छैन् ।

चुनावी परिणाममा पराजित कांग्रेस संसद भवनबाट प्रतिपक्षी दलको कदम अघि बढाउँदा लड्खडाएजस्तो, कम्पास हराएको जहाजको जस्तोस्थितिमा पुगेको नेपाल साप्ताहिकमा खबर छ ।

मधेसकेन्द्रित दललाई सत्तारेखाभित्रै राख्न नेकपा सफल भएको छ । केपी ओलीको व्यक्तित्व, स्वकार्यता र आत्मविश्वासको ओजमा प्रमुख प्रतिपक्षी कतै हराएजस्तो देखिन्छ । त्इसमाथि डेढ दशकदृेखि प्रतिपक्षीय राजनीतिभन्दा पनि सहमतिको राजनीतिले बढी प्राथमिकता पाउँदै आएको छ ।

सबै समस्याको समाधान संसदबाट भन्दा राजनीतिक नेतृत्वको आपसी छलफलबाट खोज्ने परम्परा योबीचमा निक्कै झाँगिदै गएको छ । त्यसैले पनि यसपटक प्रमुख प्रतिपक्षीय भुमिकामा कांग्रेस केही अलमलिएको हुनसक्छ । प्रतिपक्षको मानक के हो भन्ने कांग्रेसले बिर्सिएजस्तो देखिन्छ । प्रतिपक्षले के गर्नुपर्छ भन्ने सार्वजनिक विमर्शबाट पनि गायब भएको देखिन्छ ।