काठमाडौं–कीर्तिपुरमा बसिबसाउ बस्तीको तल खोल्सा मिचेर सेनाले प्लटिङ गर्दा माथिल्लो क्षेत्रको ढल अवरुद्ध भएको छ । सेनाले बनाएको ढलमा बस्तीको पानी मिसाउन नदिएको आजको नयाँ पत्रिकामा मुख्य खबर छ ।

सेनाले बनाएको ढल सानो भएकाले अरु ढल मिसाउन अनुमतिनदिएको नेपाली सेनका प्रवक्तासमेत रहेका सहायक रथी याम ढकालले बताए ।

वाइडबडी छानबिन : जनताको आँखामा छारो शीर्षकमा छापिएको अर्को समाचारमा वाइडबडी अनियमितता छानबिन गर्न मन्त्रिपरिषदले १९ पुसमा गठन गरेको आयोगको काम सुरु नगरी नै शनिबार म्याद सकिएको छ ।

आयोगका पदाधिकारीले नियुक्तिपत्रसमेत नपाई ४५ दिने म्याद सकिएको छ । वाइटबडी जाँचबुझ आयोगका प्रस्तावित अध्यक्ष गोबिन्द पराजुलीले मिडियामा समाचार सुनेकै भरमा कसरी काम गर्नुभन्ने प्रतिक्रिया दिएका छन।

प्रतिनिधिसभा अन्तर्गतको सार्वजनिक लेखा समिति सभापति भरत शाहले भने सरकारले गठन गरेको आयोग नै गैर संवैधानि रहेको बताएका छन् ।

नेकपाको राष्ट्रिय अभियान ६ महिनादेखि अलपत्र शीर्षकको समाचारमा भदौदेखि देशभर सञ्चालन गर्ने भनिएको नेकपाको राष्ट्रिय अभियान ६ महिनादेखि अलपत्र छ । नेकपा केन्द्रीय कमिटीको बैठक ९ महिनादेखि बस्न सकेको छैन् । नेकपाका नेता झलनाथ खनालले पार्टीको एकता प्रक्रियालाई समयमै टुंग्याउन नसक्दा पार्टी धेरै पछि परेको बताएका छन् ।