काठमाडौं–सरकार विरोधी आन्दोलन गरिरहेको नेत्रविक्रम चन्द विप्लव नेतृत्वको नेपाल कम्युनिस्ट पार्टी सेतो नम्बर प्लेटका सरकारी सवारी साधन सञ्चालनमा रोक लगाउने भएको छ ।

विप्लव नेतृत्वको नेकपाले एक विज्ञप्ती जारी गर्दै आगामी साउन ७ गतेदेखि लागू हुने गरी यो नियम कडाईका साथ लागू गराउने चेतावनी दिएको छ । यो कार्यको विरोध गरे जनकारबाही गर्ने चेतावनी पनि दिएको छ ।

सरकारले गाउँगाउँमा सिंहदरबार भन्ने नारा छाडेर आम सर्वसाधारणलाई पंगुबनाउँदै सर्वसाधारणबाट करको बहानामा आर्थिक शोषण गरिरहेको पनि आरोप लगाएको छ ।

त्यस्तै जनताको काम गर्ने भन्दै निर्वाचित भएका जनप्रतिनिधिले पनि ठेक्का पट्टाको काम आफैं लिएर राज्यको दोहन गरिरहेको विप्लव नेतृत्वको नेपाल कम्युनिष्ट पाटीको आरोप छ ।

नेपाल कम्युनिस्ट पार्टीले सार्वजनिक गरेको विज्ञप्ती यस्तो छ ।