काठमाडौं – लिग वान क्लब पेरिस सेन्ट जर्मेन (पीएसजी) का प्रशिक्षक थोमस टुचेलले नेयमार कोपा अमेरिका फुटबल अगाडि नै क्लब छाड्ने योजनामा रहेको बताएका छन् । एक अन्तरवार्तामा टुचेलले नेयमार बारे सचेत समेत रहेको बताउँदै उनी सेटेल हुन चाहिरहेको बताएका छन् ।

‘मलाई थाहा थियो । उनी कोपा अमेरिका अगाडि नै क्लबबाट निस्किन चहान्थे । तर, यो कुरा क्लब र नेयमारबीचको हो,’ टुचेलले आरएमसी स्पोट्ससँग भने,‘यो विषयमा हामी स्पष्ट छौं । तर, अब कुरा क्लब र नेयमारबीच मै छ ।’

नेयमार पूर्व क्लब बार्सिलोना जाने चर्चा चल्न थालेको लामो समय भइसक्यो तर, न उनी आफैले आफु बार्सिलोना जान्छु भनेका छन् न, पीएसजीले छाड्दैछौं भनेको छ तर, बार्सिलोनाले उनीमाथि रुचि देखाएको लगायतका समाचार भने नियमित आइरहेकै छन् ।