मुम्बई – बलिउड अभिनेता शादिद कपूर पछिल्लो समय फिल्म ‘कबीर सिंह’ का कारण चर्चामा छन् । हालै उनी आफ्नो फिल्मको प्रचारका लागि भारतीय टिभी शो ‘कपिल शर्मा शो’ मा पुगेका थिए । उनले उक्त शोका दौरान आफ्ना केही व्यक्तिगत अनुभव शेयर गरे ।

शोमा शर्माले शाहिद कपूरसँग सोधे, किन तपाईंले हरेक फिल्ममा आफ्नो हेयर स्टाइल चेन्ज गर्नुहुन्छ ? यसको जवाफमा शाहिदले भने, ‘एकपटक मेरा पिता (पंकज कपूर) ले यो सुझाव दिनुभएको थियो कि, हरेक फिल्ममा नयाँ लूक्स प्रयोग गर्नुपर्छ, यही कारण मैले हरेक फिल्ममा नयाँ हेयर स्टाइल बनाउँछु ।’

साथै उनले आफ्ना बाबुले वंशानुगत गुणका कारण ४० कटेपछि कपाल झर्न सक्ने समस्या आउन सक्ने पनि बताए । उनले आफू छोटो उमेरमै हिरो बनेकोमा बुबा निकै खुशी भएको पनि खुलाए । उनले भने, ‘मलाई बुबाले सधै राम्रो गर्नका लागि प्रेरित गरिरहनुहुन्छ,’ उनले भने ।

जून महिनामा रिलिज हुने शाहिदको फिल्म ‘कबीर सिंह’ दक्षिण भारतीय फिल्म अर्जुन रेड्डीको रिमेक हो । पछिल्लो समय यो फिल्मको राम्रै चर्चा छ ।