काठमाडौं– प्रमुख प्रतिपक्षी दल नेपाली कांग्रेसका सांसद बहादुर सिंह लामाले विनियोजन विधेयकअन्तर्गत सञ्चार तथा सूचना प्रविधि मन्त्रालयका लागि छुट्याइएको खर्च औचित्यपूर्ण नभएको भन्दै कटौती गर्न प्रस्ताव गरेका छन् ।

प्रतिनिधिसभाको सोमबारको बैठकमा विनियोजित विधेयकमाथिको छलफलमा सहभागी हुदै सांसद लामाले कार्यकर्ता पोस्ने ढंगले बजेट विनियोजन गरिएको भन्दै सञ्चार तथा सूचना प्रविधि मन्त्रालय शीर्षकको खर्च रकम कटौती गर्न प्रस्ताव गरेका हुन् ।

मन्त्रालयले भ्रमण भत्तालाई विशिष्ट प्रतिनिधि मण्डल भ्रमण भत्ता समेत गरि २ ओटा शीर्षकमा भ्रमण भत्ता राखिएको भन्दै तात्कालीन राजतन्त्रमा जस्तो व्यवहार देखिएको लामाले टिप्पणी गरे ।

मन्त्रालयका लागि सीप विकास तथा जनचेतना गोष्ठी सम्बन्धी खर्च भनेर कार्यकर्ता पोस्ने काम भएको उनको आरोप छ ।

चालु आर्थिक वर्षमा १ लाख ७० हजार रकम विनियोजन गरिएको सो शीर्षकमा आगामी आर्थिक बर्षका लागि ९ करोड ५० लाख छुट्याइएको छ ।