इजिप्ट तथा लिभरपुलका फरवार्ड मोहमद सलाहले इटालीयन जाइन्ट युभेन्ट्सको प्रस्ताव अस्वीकार गरेका छन् । युभेन्ट्सले १ सय ७० मिलियन युरोको प्रस्ताव गरे पनि उनले उक्त प्रस्ताव अस्वीकार गरेको खुलेको छ ।

यद्यपि सलाहले युभेन्ट्सलाई अर्को सिजनसम्मका लागि सोच्न सकिने भन्दै फर्काएको नाइजेरिएन दैनिक समाचार संस्था ‘पन्च’ले उल्लेख गरेको छ । अन्तर्राष्ट्रिय समाचार संस्था मिररले सलाहका लागि रियल मड्रिड र युभेन्ट्स लागि परेको उल्लेख गर्दै उनीमाथि १५० मिलियन युरो देखि १७० मिलियन युरोसम्म खर्च गर्ने क्बल लरहेको समाचर केही दिन अगाडि सार्वजनिक गरेको थियो । तर, सहालहले अझै एक वर्ष च्याम्पियन्स लिगको च्याम्पियन लिभरपुलमै रहने योजना सुनाएका छन् ।

रोमाबाट २०१७ मा लिभरपुल आएपछि २७ वर्षीय सलाहले लिभरपुलका लागि खेलेका १ सय ४ खेलमा ७१ गोल गरेका छन् । उनले लगातार २ सिजन लिभरपुललाई फाइनल पुर्‍याएका थिए भने गएको सिजन टोलीलाई च्याम्पिय बनाउन महत्वपूर्ण भूमिका खेलेका थिए ।