काठमाडौं –  चलचित्र ‘आप्पा’ को गीत सार्वजनिक भएको छ ।  दयाहाङ राई बुबाको भूमिकामा देखिएको यो फिल्मको प्रदर्शन मिति नजिकिँदै गर्दा प्रचारमा टेवा पुग्ने गरी गीत सार्वजनिक गरेको हो ।

‘साउने झरी’ बोलको ओएसटी गीतमा बाबु-छोराको सम्बन्ध र यात्रालाई देखाइएको छ । फिल्मका मुख्य कलाकार दयाहाङ राई र बाल कलाकार रोनीत सरकारलाई गीतको भिडियोमा देख्न सकिन्छ ।

यस्तै गीतमा उमेश उपमाको शब्द रचना छ भने निर्देशक अनमोल गुरुङ र शैकातको संगीत र विज्ञमा बराईलीको स्वर सुन्न सकिन्छ । त्यसै गरी सिनेमालाई अनमोल गुरुङले निर्देशन गरेका हुन् । लेखक तथा निर्देशक गुरुङका अनुसार यो फिल्म मनोरञ्जनात्मक सिनेमा हो ।

कार्यकारी निर्माता माबो चेम्जोङ्ग रहेको यो फिल्म अ माउन्टेन स्टोरीज प्रोडक्सन र सिनेमा आर्टको संयुक्त ब्यानरमा निर्माण भएको हो । फिल्ममा  रुदेन सादा लेप्चाको लगानी रहेको छ ।

आउँदो असार १३ गतेबाट प्रदर्शन हुने तयारीमा रहेको  नेपाल तथा भारतमा एकसाथ रिलिज हुने जनाइएको छ ।

यो फिल्ममा दयाहाङ राई, सिद्धान्त राज तामाङ र अल्लोना काबो लेप्चाका अलवा बरिष्ठ निर्देशक तथा निर्माता तुलसी घिमिरे, अरुणा कार्की लगायतका कलाकारको समेत मुख्य भुमिका छ ।