काठमाडौं– एक सातायता काठमाडौंको तापक्रम अत्याधिक रुपमा बढेको छ । लगातार बढेको तापक्रमले काठमाडौँ उपत्यकासहित देशभरको जनजीवन समेत प्रभावित बन्दै गएको छ ।

तराईका साथै पहाडी जिल्लामा समेत तापक्रम बढेका कारण जनजिवन प्रभावित भएको हो । तराईका कतिपय स्थानमा विद्यालय बन्द गरिएका छन् ।  अत्याधिक गर्मी बढेका कारण विद्यार्थी विद्यालय जान सक्ने अवस्था नभएपछि विद्यालय बन्द गरिएका हुन् ।

काठमाडौँमा गत शुक्रबार यस वर्षकै सबैभन्दा बढी तापक्रम मापन गरिएको थियो । शुक्रबार काठमाडौँमा ३३.५ डिग्री सेल्सियस तापक्रम पुगेको थियो । शनिबार नेपालगञ्जमा अधिकतम तापक्रम ४३ डिग्री पुगेको थियो । जल तथा मौसम पूर्वानुमान महाशाखाले देशैभरको तापक्रम अब भने नबढ्ने जनाएको छ ।

आइबार दिउँसोदेखि स्थानीय वायुसँगै पश्चिमी वायुको प्रभाव बढ्ने भएकाले थप गर्मी भने नबढ्ने जल तथा मौसम विज्ञान विभाग पूर्वानुमान छ । साेमबार काठमाडौंको तापक्रम ३० डिग्री सेल्सियसको आसपास रहेको छ ।