काठमाडौं –  अन्तर्राष्ट्रिय क्रिकेट परिषद् (आईसीसी) ले यसपटकको विश्वकप क्रिकेटमा पुरस्कार राशिका लागि मात्रै १० मिलियन अमेरिकी डलर (नेपाली रुपैयाँ १ अर्ब १२ करोड)भन्दा बढी खर्च गर्ने भएको छ ।

आईसीसीले शुक्रबार विश्वकप क्रिकेटमा पुरस्कारका लागि लाग्ने खर्च सार्वजनिक गरेको हो । जसमा आईसीसीले विजेता टोलीलाई ट्रफी सहित ४ मिलिय अमेरिकी डलर (४५ करोड रुपैयाँ) प्रदान गर्ने जानकारी दिएको छ । विजेता टोलीका लागि यो अहिलेसम्मकै सबैभन्दा धेरै पुरस्कार राशि पनि हो ।

आईसीसीले विजेतालाई ४ मिलियन दिँदा उपविजेता टोलीले २ मिलियन डलर प्राप्त गर्नेछन् । लिगमा प्रत्येक खेल जित्ने टोलीले ४० हजार डलर प्राप्त गर्नेछन् भने सेमिफाइनलमा पराजित हुने २ टोलीले ८–८ लाख डलर पाउनेछन् ।

यस्तै, ४५ वटा लिगका ४५ विजेता टिमले ४०–४० हजार डलर पाउनेछन् भने लिग स्टेज पुरा गर्ने ६ टोलीले १० लाख डलर प्राप्त गर्नेछन् ।

प्रतियोगिता मे ३० देखि जुलाई १४ सम्म इङ्ग्ल्यान्ड र वेल्समा संयुक्त रुपमा आयोजना हुनेछ । विश्वकमा १० टिमले सहभागीता जनाउँदैछन् । विजेताको पुरस्कार जुलाई १६ मा क्रिेटको मक्का मानिने लड्स मैदानमा वितरण गरिनेछ ।