काठमाडौं – आयुष्मान देशराज जोशी र प्रियंका कार्कीको मुख्य भूमिका रहेको फिल्म ‘प्रेम दिवस’ को ट्रेलर सार्वजनिक भएको छ । ट्रेलरलाई ओएसआर डिजिटलको युट्युब च्यानलमा सार्वजनिक गरिएको हो ।

त्रिकोणात्मक प्रेमकथामा आधारित यो फिल्ममा प्रेम, धोका र रोमान्सलाई देखाइएको छ । फिल्ममा आयुष्मान देशराज जोशीले सागरको भूमिकामा अभिनय गरेका छन् प्रियंका कार्कीलाई आयुष्मानको अपोजिटमा देख्न सकिन्छ । उनी फिल्ममा सपनाको भूमिकामा छिन् ।

यस्तै फिल्ममा विशाल खरेलले पनि शीर्ष भूमिका निभाएका छन् । चलचित्रमा प्रदीप भारद्वाजको लेखन तथा योगेश घिमिरेको निर्देशन रहेको छ । फिल्मलाई मनिष दाहालले निर्माण गरेका हुन् ।

मानकृष्ण महर्जनको छायांकन रहेको फिल्ममा वनिष शाह र मिलन श्रेष्ठको सम्पादन देख्न सकिन्छ । फिल्ममा हेमन्त बुढाथोकी, शिव शंकर गिरी, उत्तम केसी, सञ्जय न्यौपाने, श्रीकृष्ण लुइँटेल लगायतका कलाकारले अभिनय गरेका छन् ।

यो फिल्म जेठ ३१ गतेबाट प्रदर्शनमा आउँदैछ ।