काठमाडौं – अन्तराष्ट्रिय क्रिकेट परिषद् (आईसीसी) को आयोजनामा मे ३० देखि १३ औं संस्करणको विश्व कप क्रिकेट आयोजना हुँदैछ ।

इङग्ल्यान्ड र वेल्समा संयुक्त रुपमा आयोजना हुन लागेको विश्वकपका लागि सहभागी टीमले १५ सदस्यीय टोलीको घोषणा गरिसकेका छन् ।

१२ औं संस्करणसम्म आइपुग्दा विभिन्न कीर्तिमानीहरु बनेका छन् । कसैको नाममा धेरै रन प्रहार गर्ने खेलाडीको किर्तिमानी रहेको छ भने कसैकोमा धरै विकेट लिने ।

यस्तै, विश्वकप क्रिकेटमा सबैभन्दा पहिलो ह्याट्रिक गर्ने खेलाडीको हुन् त ? क्रिकेटलाई फलो गर्ने धेरैलाई यो विषय जानकारी नहुन सक्छ । एकदिवसिय विश्वकप क्रिकेटमा पहिलो ह्याट्रिक पुरा गर्ने खेलाडीको किर्तिमानी भारतका चेतन शर्माको नाममा छ ।

उनले सन् १९८७ को पाकिस्तान र भारतमा आयोजना भएको विश्वकपका दौरान न्युजिल्यान्डविरुद्ध ह्याट्रीक गरेका थिए । उनले खेलको ४२ औं ओभरमा न्युजिल्यान्डका केन रुथरफोर्ड, इआन स्मिथ र इवेन च्याटफिल्डको विकेट लिएका थिए ।