एजेन्सी- एथलेटिको मड्रिड छोड्ने अस्वभाविक निर्णय गरेका एन्टोनि ग्रिजम्यानले कुनै क्लवसँग अनुवन्ध नगरेका कारण उनी कहाँ जान्छन् भन्ने प्रश्न उठेको छ ।

२८ वर्षीय फ्रान्सेली फर्वार्डलाई वार्सिलोनाले १२० मिलियन यूरो तिर्ने अपेक्षा गरएको बिबिसिले जनाएको छ । तर अहिले सम्म बार्साले यसबारेमा केही बोलेको छैन ।

गत वर्स नै उनी स्पेनिस च्याम्पियनसंग जोडिने समाचारहरु सार्वजनिक भएका थिए तर उनले एथलेटिकोमा नै रहने निर्णय गरे ।

ग्रिजम्यानले मंगलबार ट्विटरमा दुई मिनेटको भिडियो सार्वजनिक गर्दै क्लव छोड्ने घोषणा गरेका थिए । ग्रिजम्यानले एथलेटिकको लागि २५६ खेलमा १३३ गोल गरेका छन्। उनी रियल सोसिडाडबाट २०१४ मा एथलेटिकको गएका थिए ।

बिबिसिका अनुसार उनीसंग वार्सिलोनाले अनुब्धन गर्ने छ तर उनी अन्य क्लव जान पनि स्वतन्त्र छन् । ग्रिजम्यानमाथि रियल मड्रिड र पीएसजीले पनि ध्यान दिईरहेको बिबिसिले जनाएको छ ।