कपिलवस्तु– कपिलवस्तुको जितपुर–४ स्थित बुद्ध रंगशालामा जारी आठौं राष्ट्रिय खेलकुद प्रतियोगिता अन्तर्ग त महिला फुटबलमा गण्डकी प्रदेशले विजयी शुरुवात गरेको छ ।

बुधबार भएको पहिलो खेलमा कर्णाली प्रदेशलाई ४–० गोल अन्तरले परिाजित गर्दै गण्डकी प्रदेशले विजयी शुरुवात गरेको हो ।

गण्डकी प्रदेशकाे जितका  लागि पहिलो हाफको १७ मिनटमा ननिता गुरुङ्ग, २९ औं मिनटमा अस्मिता रणपाल र दोस्रो हाफको ३६ औं मिनटमा उदय थापाले गोल गरिन्।  त्यसपछि मनिषा पंगेनीले एक गोल गरेपछि गण्डकी प्रदेश ४-० गोल अन्तरले विजयी भयो ।

खेलको म्यान अफ द म्याच गण्डकी प्रदेशकी ननिता भइन् । उनलाई कपिलबस्तु जिल्ला खेलकुद विकास समितिका अध्यक्ष छवी रेश्मी मगरले पुरस्कार प्रदान गरे ।