सिरिया– अमेरिका समर्थित कुर्दिस लडाकु नेतृत्वको फौजले सिरियाको डिएर एजजोर प्रान्तस्थित बाघुज शहरमा आक्रमण शुरु गरेयता ६० हजारभन्दा धेरै मानिसहरुले सो क्षेत्र छाडेका छन् । आतंकवादी संगठन इस्लामिक स्टेटको अन्तिम गढ मानिएको सो क्षेत्रमा कुर्दिस लडाकूले गरेको कारबाहीपछि उनीहरु सुरक्षित स्थान खोज्दै बाहिरिएका हुन् ।

बाघुज शहरमा इस्लामिक स्टटेको अन्तिम गढमा दुई महिनाअघि सिरियाली कुर्दिस लडाकु समूह वाईपीजीको नेतृत्वमा रहेको सिरियन डेमोक्र्याटिक फोर्स एसडीएफका फौजले कारबाही जारी राखेको छ ।

बाघुज शहरबाट बाहिरिनेमध्ये ५ हजारभन्दा धेरै इस्लामिक स्टेटका लडाकु रहेको जनाइएको छ । गत जनवरी ९ मा एसडीएफले इस्लामिक स्टेटको अन्ति गढमा बाघुज शहरमा आक्रमण शुरु गरेयता इस्लामिक स्टेटका १३ सय ६ इस्लामिक स्टेटका लडाकु मारिएको तथा एसडीएफतर्फ ८२ एसडीएफ लडाकु मारिएको एसडीएफका कमाण्डरले जनाएका छन् ।

यता संयुक्त राष्टसंघले भने बाघुज शहरको नजिकै रहेका शरणार्थी शिविरमा ९० प्रतिशत महिला तथा बालबालिका सहित ६७ हजार मानिसहरु रहेको जनाएको छ ।