काठमाडौं– कैलालीको टीकापुरलगायत तराईं–मधेसमा भएका आन्दोलनका घटनाको सम्बन्धमा गरिएको छानबिन प्रतिवेदन सार्वजनिक हुनुपर्ने माग राख्दै राजपा नेपालले आज (आइतवार) पनि संसद वैठक अवरुद्ध गरेको छ ।

आइतवार अपराह्न शुरु भएको वैठकको शुरुमै बोल्दै राजपा नेता लक्ष्मणलाल कर्णले संसद वैठक अवरुद्ध गर्ने बताए ।

पूर्वन्यायाधीश गिरीशचन्द लालको संयोजकत्वमा गठित समितिले तयार पारेको सार्वजनिक नभएसम्म संसद चल्न नदिने कार्णको भनाइ थियो ।

राजपा सांसदको अवरोधका बीच सभामुख कृष्णबहादुर महराले आइतवारको वैठक १० मिनेटका लागि स्थगित भएको घोषणा गरे ।