यौन दुर्व्यवहारको आरोप लागेपछि सैनिक विद्यालयका प्रिन्सिपल पनेरु हटाइए

१ पुस २०७६, मंगलबार

पढ्न लाग्ने समय : < 1 मिनेट

काठमाडौं– सैनिक अवासीय महाविद्यालय सल्लाघारी भक्तपुरका प्रिन्सिपल सुरेन्द्र पनेरुलाई जिम्मेवारी मुक्त गरिएको छ ।

एक छात्रामाथि यौन दुर्व्यवहारको आरोप लागेपछि पनेरुलाई जिम्मेवारीबाट हटाइएको हो ।

उनलाई एक साताअघि नै बर्खास्त गरिएको भए पनि नेपाली सेनाले उक्त कुरालाई गोप्य राखेको थियो ।

सैनिक स्रोतका अनुसार १३ मंसिरमा विद्यालयको मुखपत्र ‘सल्लाघारी’ का लागि फोटो खिच्ने क्रममा पनेरुले एक छात्रामाथि दुर्व्यवहार गरेको आरोप लागेको छ ।

विद्यालय व्यवस्थापन समितिले समेत घटनाबारे छानबिनको माग गरेको छ ।

प्रकाशित मिति : १ पुस २०७६, मंगलबार ७ : ४४ बजे

प्रतिक्रिया