मुस्ताङ– कालिगण्डकी करिडोर सडक आयोजना अन्तर्गत मुस्ताङको जोमसोम–कोरला सडक तीन दिनका लागि बन्द हुने भएको छ ।
जोमसोम–कोरला सडकको तेस्रो प्याकेजमा पर्ने समरको भिरदेखि झो खोलासम्मको सडक फराकिलो बनाउन मङ्सिर ५ देखि ७ गतेसम्म सवारी आवतजावत बन्द गर्न लागिएको हो ।
मुस्ताङका प्रमुख जिल्ला अधिकारी वेदप्रसाद अर्यालको अध्यक्षतामा बसेको बैठकले सवारी आवतजावत रोकेर बिस्फोटक पदार्थको प्रयोग गरेर सडक विस्तार गर्ने निर्णय गरेकाले राष्ट्रिय गौरवको आयोजनाका रुपमा रहेका कालीगण्डकी करिडोरअन्तर्गत बेनी–जोमसोम–कोरला सडक बन्द हुन लागेको हो ।
प्रतिक्रिया