काठमाडौं- चर्चित भारतीय क्रिकेटर सचिन तेन्दुलकरले काठमाडौंको कीर्तिपुर मैदानमा क्रिकेट खेलेका छन् ।
युनिसेफको सद्भावना दूतका रुपमा नेपाल आएका उनले बालबालिका सम्बन्धी महासन्धी पारित भएको ३० औं वर्षगाँठको अवसरमा आयोजित मैत्रीपूर्ण क्रिकेट खेलेका हुन् ।
मैत्रीपूर्ण खेलमा सचिनको टिमसँग नेपाली क्रिकेट टिमका पूर्व कप्तान विनोद दासको टिमले खेलेको छ ।
खेल १० ओभरको खेल सचिन नेतृत्वको टोलीले जितेको छ । टस जितेर बलिङ गरेको सचिनको टोलीलाई नेपाली विनोद दासको टोलीले ४५ रनको चुनौति दिएको थियो ।
दास नेतृत्वको टोलीले दिएको चुनौती सचिन नेतृत्वको टोलीले ६ ओभरमा पूरा गर्दै खेल आफ्नो पक्षमा पारेको छ ।
बाल अधिकार सम्बन्धि महासन्धी पारित भएको ३० वर्ष पुगेको उपलक्ष्यमा युनिसेफ नेपालले उनलाई नेपाल बोलाएको हो ।
उनले सो मैत्रीपूर्ण खेलका लागि सचिन शुक्रबार राति नेपाल आएका थिए ।
प्रतिक्रिया