काठमाडौं–चिकित्साशास्त्र अध्ययन संस्थान (आइओएम)का डिन जगदीश अग्रवालमाथि कालोमोसो दलेको आरोपमा विजय थापा पक्राउ परेका छन् ।

थापालाई महानगरीय प्रहरी वृत्त महाराजगञ्जको टोलीले मंगलबार साँझ पक्राउ गरेको वृत्तका डिएसपी उमेश लम्सालले बताए ।

थापाले आइओएमको डिन अग्रवालमाथी गत भदौं २९ गते कार्यकक्षमै पत्रकार हुँ भन्दै अन्तरवार्ताका लागि समय मागेर कालोमोसो दलेर भागेको आरोप छ । डिएसपी लम्सालका अनुसार उनलाई नियन्त्रणमा लिएर थप अनुसन्धान भइरहेको छ ।

थापा चिकित्सा शिक्षा सुधारका अभियान्ता डा गोविन्द्र केसीका माग र अनसन विरुद्ध अनसन समेत बसेका व्यक्ति हुन् । चिकित्सा शिक्षा सुधारका लागि भन्दै इलाममा १६ अनसन बसेका डाक्टर गोविन्द केसीको विरुद थापा पनि इलाममै अनसन बसेका थिए ।

पत्रकार हुँ भन्दै भेट्न गएका व्यक्तिले आइओएमका डिनलाई कालोमोसो दले