काठमाडौं– दशैंको अवसर पारेर असोज १ गतेदेखि राजधानीको भृकुटीण्डपमा स्टक क्लियरेन्स मेला आयोजना हुने भएको छ ।

आयोजक संस्था इभेण्ट सोलुसन प्रालिले मेलाको सबै तयारी पूरा भइसकेको जनाएको छ । यसअघि असोज २ गतेदेखि मेला आयोजना हुने भनिएकोमा आयोजकले १ दिन अगाडि (असोज १ गतेदे)खि नै मेला शुरु हुने जनाएको छ ।

दशैंलाई लक्षित गरी हरेक वर्ष मेला आयोजना हुँदै आएको छ । विगत जस्तै पटक पनि ‘दशैंको बेला सस्तो मेला’ भन्ने नाराका साथ स्टक क्लियरेन्स मेला ५ दिनसम्म सञ्चालन हुनेछ ।

मेलामा दशैंका लागि आबश्यक सबै किसिमका सामाग्रीहरुको कारोबार हुने आयोजक संस्था इभेण्ट सोलुसन प्रालिका प्रबन्ध निर्देशक विजयसागर प्रधानले बताए ।

मेलामा नेपाल, भारत, पाकिस्तान, बंगलादेश, चीन, थाइल्याण्ड र जापानका उत्पादनहरुको बिक्री तथा प्रदर्शन गरिने आयोजकले जनाएको छ ।

यस पटकको मेलामा विभिन्न किसिमका बम्पर छुट अफर समेत रहने आयोजकले जनाएको छ ।

मेलामा घरायसी प्रयोजनका सम्पूर्ण सामाग्री, छालाका उत्पादनहरु, खानाका परिकार तथा उत्पादन, कपडा, जुत्ता, ह्याण्डीक्राफ्ट, इलेक्ट्रोनिक्स लगायत सामाग्रीका सयभन्दा बढी स्टलहरु रहने इभेन्ट सोलुसन प्रालिका बजार निर्देशक नविन भट्टले जानकारी दिए ।