काठमाडौं– सत्तारुढ दल नेपाल कम्युनिस्ट पार्टी (नेकपा)ले सचिवालय सदस्य वामदेव गौतमको ‘व्यवस्थापन’ गर्न उपाध्यक्ष पद सिर्जना गर्ने भएको छ ।

हाल २ जना अध्यक्ष र केन्द्रमा ९ सदस्यीय पार्टी सचिवालय रहेको नेकपामा अब ‘उपाध्यक्ष’ पनि सिर्जना गरिन लागेको हो ।

शुक्रवार बसेको नेकपाको सचिवालय बैठकले नेता गौतमलाई उपाध्यक्षमा मनोनित गर्नका लागि अब बस्ने स्थायी कमिटीको बैठकमा प्रस्ताव लैजाने निर्णय गरेको हो ।

गौतमलाई उपाध्यक्ष बनाउने प्रस्तावलाई पार्टीको स्थायी कमिटी र केन्द्रीय कमिटीमा लैजाने निर्णय सचिवालय बैठकले गरेको छ ।

त्यस्तै नेकपाको बैठकले विभिन्न ३३ विभागहरुको टुंगो लगाएको छ ।

सबैभन्दा विवादित बनेको स्कुल विभाग ईश्वर पोखरेलले पाएका छन् । उक्त विभागमा नारायणकाजी श्रेष्ठले पनि दावी गरेका थिए । श्रेष्ठले प्रचार विभागको जिम्मेवारी पाएका छन् ।