काठमाडौं– काठमाडौंभन्दा बाहिरबाट ६७ हजार वैदेशिक रोजगारीमा जाने कामदारले पुनः श्रम स्वीकृति लिएका छन् ।

सरकारले गत पुसदेखि वैदेशिक रोजगारीमा जाने कामदारका हकमा पुनः श्रम स्वीकृति काठमाडौं बाहिरबाट जारी गर्ने सुरु गरेको थियो ।

श्रम, रोजगार तथा सामाजिक सुरक्षा मन्त्रालयले आर्थिक वर्ष २०७५/७६ पुस महिनादेखि सातवटै प्रदेशबाट पुनः श्रम स्वीकृति दिन सुरु गरेको थियो । गत आर्थिक वर्षमा ६७ हजार ३ सय ८४ युवाले प्रदेशस्तरीय वैदेशिक रोजगार कार्यलयबाट श्रम स्वीकृति नवीकरण गराएका वैदेशिक रोजगार विभागको तंथ्याकमा उल्लेख छ ।

विभागका अन्तगतका जनकपुर, विराटनगर, बुटवल, सुर्खेत र धनगढी कार्यलयबाट पुनः श्रम स्वीकृतिको दिइन्छ ।

विदेशबाट फर्किएर पुनः सोही गन्तब्यमा जाने अनुमतिका लागि काठमाडौंमा आउनुपर्ने बाध्यता कामदारमा थियो । यो बाध्यता पनि हटेको छ । भने, बिचौलियाबाट ठगीने क्रम पनि अन्त्य हुँदै गएको विभागले जनाएको छ ।