काठमाडौं- मोरक्कोको राष्ट्रिय फुटबल टिमको मुख्य प्रशिक्षकमा भाहिद हालिल्होडिक नियुक्त भएका छन् ।

मोरक्कोले बिहीबार सन् २०२२ को फिफा विश्वकपलाई मध्येनजर गर्दै बोस्नियाका भाहिदलाई मुख्य प्रशिक्षकको जिम्मेवारी दिएको हो ।

६७ वर्षे प्रशिक्षक भाहिद निकै अनुभवी प्रशिक्षक मानिन्छन् । भाहिदले सन् २०१० मा आइभरी कोष्टलाई विश्वकपमा छनोट गराउन सफल भएका थिए ।

यस्तै उनि सन् २०१४ को विश्वकपमा अल्जेरिया र सन् २०१८ को विश्वकपमा जापानका मुख्य प्रशिक्षक रहेका थिए । उनी फ्रेन्च क्लब नान्टेसका प्रशिक्षक रहेका थिए ।

अफ्रिका कप अफ नेसन्समा खराब प्रदर्शन गरेपछि मुख्य प्रशिक्षक हेर्भी रेनार्डले राजीनामा दिएपछि मोरक्कोले भाहिदलाई अनुबन्ध गरेको हो ।

मोरक्कोसँग सम्झौता गरेपछि फ्रेन्च क्लब नान्टेस र पेरिस सेन्ट जर्मेन (पीएसजी) का पूर्व खेलाडी समेत रहेका भाहिदले मोरक्कोलाई विश्वकपमा छनोट गराउने योजना रहेको बताए ।