काठमाडौं– गैरसरकारी संस्थाको अवस्थाको विषयलाई समेटेर मुख्य समाचार बनाएको राजधानी दैनिकले नेकपाको एकता प्रकरणलगायतका अन्यसमाचारलाई पहिलो पृष्ठमा छापेको छ ।

नेपालमा गैरसरकारी संस्था (एनजीओ) को जालो विकटका गाउँदेखि सहरका महलसम्म फैलिएको छ । २६ वर्षको अवधिमा ४५ हजार बढी एनजीओ सञ्चालनमा छन् । सामाजिक विकासको क्षेत्रमा काम गर्ने भन्दै सञ्चालित एनजीओको अनुगमन भने फित्तलो छ । एनजीओको अनुगमनका नाममा समाजकल्याण परिषदका कर्मचारीले लाखौ रकम बुझ्ने गरेपनि प्रभावकारी अनुगमन नगरेको पाइएको छ ।

‘पार्टी एकता अलमलमा, शीर्ष नेताको भागबन्डा किचलो’ शीर्षकमा रहेको अर्को समाचारमा जिम्मेवारीका विषयमा पार्टीका शीर्ष नेताहरुबीच भागबन्डा नमिल्दा सत्तारुढ दल नेपाल कम्युनस्टि पार्टीको एकता प्रकरण अलमलमा परेको छ । तीन महिनामा एकता प्रक्रिया टुंग्याउने लक्ष्य राखेको नेकपाले ९ महिना बित्दा पनि टुंग्याउन सकेको छैन् ।

त्यस्तै भारतमा १ सय ७९ नेपाली अलपत्र अवस्थामा भेटिएका छन् । उनीहरु प्रहरी नियन्त्रणमा रहेका छन्। उनीहरुलाई नेपाल ल्याउन पहल भइरहेको छ । अलपत्र पर्नेमा अधिकांश महिला छन् ।