काठमाडौं–संघीय संरचनामा प्रवेश गरेको देश नेपालमा प्रदेश सरकार सञ्चालनमा आएको एक वर्ष पूरा भएको छ । यो एक वर्षमा ३ प्रदेशले आफ्नो नामाकरण गर्न सफल भए भने, बाँकी ४ प्रदेशले एक वर्षमा आफ्नो नाम पनि जुराउन सकेका छैनन्।

नयाँ पत्रिकाले प्रदेश सरकारको एक वर्ष शीर्षकको समाचारलाई मुख्य पृष्ठमा छापेको छ । प्रदेश १ सरकारका योजना धेरै काम थोरै, प्रदेश २ सरकारको प्राथमिकतामा छोरीलाई शिक्षा, प्रदेश ३ भौतिक पूर्वाधार विकासमा सक्रिय, गण्डकी प्रदेशले खानेपानी समस्या समाधानका लागि काम गरिरहेको छ ।

त्यस्तै प्रदेश ५ ले ५२ स्थानमा स्मार्ट कृषि गाउँ कार्यक्रम सञ्चालन गरेको छ । कर्णाली प्र्रदेशले ज्येष्ठ नागरिकलाई निःशुल्क उपचार कार्यक्रम सञ्चालन गरेको छ भने सुदूरपश्चिम प्रदेशले दुर्गमका बिरामीलाई एयरलिफ्ट सेवा सञ्चालनमा ल्याएको छ ।

साना दलले उल्लेख्य प्रगति गर्न नसकेर ‘घिसिँदै’ को अवस्थामा रहेको, नेविसंघको ४८ वर्षमा ११ महाधिवेशन, १८ सभापति शीर्षकका समाचारलाई प्राथमिकताका साथ छापेको छ ।