काठमाडौं – जिल्ला अदालत, काठमाडौंले चलचित्र ‘वीर विक्रम २’ को आपत्तिजनक समीक्षा गरेको आरोपमा पक्राउ परेका प्रनेश गौतमलाई रिहा गर्न आदेश दिएको छ ।
साइबर क्राइमको आरोपमा हिरासतमा रहेका प्रनेशलाई अदालतको आदेशपछि आइतवार साधारण तारेखमा रिहा गरिएको छ । महानगरीय प्रहरी परिसर काठमाडौंका डिएसपी होविन्द्र बोगटीले प्रनेशलाई रिहा गरिएको जानकारी दिए ।
चलचित्र ‘वीर विक्रम २’ का निर्देशक मिलन चास्मले आपत्तिजनक समीक्षा गरेको भन्दै प्रनेश गौतमविरुद्ध उजुरी दिएका थिए । सोही आधारमा प्रहरीले पक्राउ गरी कारवाही अगाडि बढाएको थियो ।
प्रतिक्रिया