अमेरिका– अमेरिकाले राष्ट्रपति डोनाल्ड ट्रम्पलाई जानकारी नै नदिई रुसी विद्युतीय उर्जा क्षेत्रलाई लक्षित गरी व्यापक साइबर आक्रमणलाई तीब्र पारेको खुलासा भएको छ ।

अमेरिकाको प्रभावशाली न्यूयोर्क टाइम्स अखबारले जनाएअनुसार अमेरिकाले रुसका महत्वपूर्ण विद्युतीय ग्रिडमा हानीकारक मलवेयर सफ्टवेयर जडान गर्ने प्रक्रियालाई तीब्र पारेको हो । यसबारे राष्ट्रपति डोनाल्ड ट्रम्पलाई भने जानकारी गराइएको छैन ।

ट्रम्पले यसबारे सार्वजनिक टिप्पणी गर्नसक्ने वा विदेशी अधिकारीसँग सल्लाह गर्नसक्ने सम्भावना रहेको भन्दै ट्रम्पलाई यसबारे जानकारी नगराइएको न्यूयोर्क टाइम्सले जनाएको छ ।

रुससँगको सम्भावित द्वन्द्वका क्रममा रुसको उर्जाक्षेत्रलाई ध्वस्त पार्नका लागि यस्ता किसिमको साइबर आक्रमण गरिएको समाचारमा जनाइएको छ ।

रुसी विद्युतीय ग्रिडमा अमेरिकी साइबर आक्रमणका यसअघि सार्वजनिक भएका थिएनन् ।