काठमाडौं– नेकपाका सांसद शान्ता चौधरीले गुठी विधेयकका बारेमा गलत प्रचार भएको भन्दै आश्चर्य प्रकट गरेकी छिन् ।
आइतबार प्रतिनिधिसभा बैठकको विशेष समयमा बोल्दै सांसद चौधरीले संविधान विपरित विधेयक नभएको दाबी गरिन् ।
दाङको स्वर्गद्वारी गुठीको १२ सय विघाहा जमिन १६ सय घरधुरी परिवारले जोतभोग गरिरहेको भन्दै उनले मोही किसानको हकमा आवाज उठाउनुपर्ने बताइन् ।
उनले भनिन्“गणतन्त्र किन चाहियो गरिबका लागि बोल्न हुँदैन भने ? धर्म हाम्रो आस्था हो संस्कृति हो । पहिचान हो । तर मान्छेलाई रुवाएर हाँस्ने भगवान कहाँ हुन्छ र ? मैले त यही प्रश्नको जवाफ खोजिरहेछु । ”
प्रतिक्रिया