फिलिपिन्स– फिलिपिन्सले क्यानाडाबाट आफ्ना राजदूत फिर्ता बोलाएको छ । फोहोरको विषयमा विवाद बढ्दै गएपछि फिलिपिन्सले क्यानडाबाट राजदूत नै फिर्ता बोलाएको हो ।

फिलिपिन्सको विदेशमन्त्रालयका अनुसार क्यानाडाले सन् २०१३ र २०१४ मा फिलिपिन्समा ल्याएर थुपारेको ९ सय टन फोहोर फिर्ता नगरेपछि क्यानाडाबाट आफ्ना राजदूत नै फिर्ता बोलाउनु परेको जनाएको हो । यसअघि फिलिपिन्सले क्यानाडालाई फोहोर फिर्ता गर्न मे १५ सम्मको सीमा दिएको बताइएको छ । यसअघि फिलिपिन्सका राष्ट्रपति रोड्रिगो डुटेर्टेले फोहोरका विषयमा क्यानाडासँग युद्ध नै लड्ने चेतावनी दिएका थिए । यता फिलिपिन्सको राजधानी मनिलास्थित क्यानाडाको राजदूतावासले फोहारको समस्या समाधानका लागि काम भइरहेको जनाएको छ ।

क्यानाडाको एक निजि कम्पनीले सन् २०१३ र २०१४ को अवधिमा १ सय ३ सिपिङ कन्टेनर फोहोर फिलिपिन्स पठाएको थियो । हालसम्म ३४ वटा कन्टेनरको फोहोर मात्र नष्ट गरिएको र बाँकी ६९ कन्टेनर फोहोर त्यतिकै राखिएको छ ।