मुम्बई – बलिउड नायिका तनुश्री दत्ताले मीटु क्याम्पेनिङका बेला नाना पाटेकरमाथि लगाएको यौन शोषणको आरोपले सबैलाई चकित बनायो । तनुश्रीले पाटेकरमाथि आरोप मात्र लगाएकी थिइनन्, प्रहरीकहाँ उजुरी पनि दिएकी थिइन् । तर, प्रहरीले यस घटनामा एउटा पनि सबूत फेला पार्न सकेको छैन ।

उजुरी दिएको सात महिना बितिसक्दा प्रहरीलाई तनुश्रीले दिएको शिकायतको एक पनि प्रमाण जुट्न सकेन, जसकारण मुद्दा अगाडि बढ्न सकेको छैन । भारतीय प्रहरीका अनुसार साक्षीले १२ देखि १५ वटा बयान दिइसकेका छन् । तर तीमध्ये तनुश्रीले आरोपमा कुनै समर्थन गर्दैनन् ।

घटना २००८ मा फिल्म हर्न ओके प्लीजको आइटम डान्स शूटिङ गर्दा भएको भनिएको छ । साक्षीमा डेजी शाहको नाम पनि छ । उनी त्यतिबेला गणेश आचार्यकी असिस्टेन्ट थिइन् । त्यतिबेलाका कोरस र प्राविधिक पनि साक्षी बसेका छन् । बलिउडमा पनि केही समयअघि मीटु अभियान चलेको थियो । सो क्रममा तनुश्रीले नानापाटेकरमाथि आरोप लगाएकी थिइन् ।