काठमाडौं – विश्व फुटबलका महारथी ब्राजिलियन फुटबलर पेलेले आफ्ना समर्थकको नाममा सम्बोधन गरेका छन् । उनले मंगलबार सामाजिक सञ्जाल ट्वीटरमार्फत ट्वीट गर्दै आफुलाई सञ्चो भएको जानकारी दिएका हुन् ।

केही समयदेखि मुत्रनलिमा समस्या देखिएपछि अस्पताल भर्ना भएका पेलेले आफ्नो स्वास्थ्य ठिक भएको जानकारी ट्वीटर मार्फत दिएका हुन् ।
उनले आफ्ना प्रशंसकसँगै आफ्नो उपचारमा सघाउने अस्पतालको टिमलाई पनि धन्यवाद दिएका छन् ।

‘मेरा प्रिय मित्रहरु, मलाई खुसी महसुस भएको छ कि मैले आफु स्वस्थ रहेको जानकारी तपाईहरुलाई दिन पाएको छु । म मेरो उपचारमा सहयोग गर्ने अल्वर्ट आयन्स्टाइन अस्पतालको टिमलाई पनि धन्यवाद दिन चाहान्छु,’ पेलेले अगाडि लेखेका छन्,‘ विशेष रुपमा भन्नु पर्दा तपाईहरु सबै, जसले मेरालाई सकारात्मक उर्जाको प्राथना गर्नु भयो र म मेरो क्षेत्रमा फर्किएको छु । जीवनमा नयाँ उदेश्यको भोक लिएर ।’

अस्पताल भर्ना भएपछि पेलेलाई  फ्रान्सका युवा खेलाडी केलियन एमबाप्पे र ब्राजिलका स्टार खेलाडी नेयमारले भेटेका थिए ।