काठमाडौं – फिल्म ‘वीर विक्रम २’ को गीत सार्वजनिक गरिएको छ । राजधानीमा एक औपचारिक कार्यक्रमको आयोजना गरी फिल्ममा समावेश ‘वाचा’ बोलको गीत गीत सार्वजनिक गरियो ।

पल शाह र वर्षा शिवाकोटीलाई फिचरिङ गरिएको गीतमा ताराप्रकाश लिम्बु र दीपा लामाको स्वर सुन्न सकिन्छ भने संगीत ताराप्रकाश लिम्बुको रहेको छ । यस्तै गीतमा उदयराज पौडेलको एरेन्ज रहेको छ । नरेश भट्टराईले गीतका शब्द लेखेका हुन् ।

कविराज गहतराजले कोरियोग्राफी गरेको भिडियोमा पल र वर्षा रोमान्टिक देखिएका छन् ।

मिलन चाम्सको निर्माण तथा निर्देशन रहेको यो फिल्ममा पल र वर्षाका अलावा नाजिर हुसेन, बुद्धि तामाङ, देशभक्त खनाल, विनिषा भण्डारी, मनिष लिम्बु लगायतका कलाकारले अभिनय गरेका छन् ।

प्रदीप भारद्वाजले स्किृप्ट लेखेको यो फिल्ममा नवराज उप्रेतीको क्यामेरा, वनिष शाहको सम्पादन, हिमाल केसीको द्वन्द्व र सुदीप बरालको डीओपी रहेको छ ।

चलचित्र यही जेठ ३ गतेबाट प्रदर्शनमा आउँदैछ ।